Ceylon Bangtan Video List

BTS කණ්ඩායම නිකුත් කරන සෑම ගීතයකටම වටිනා අර්ථ වගේම ධනාත්මක අදහස්, සමාජයට වැදගත් පණිවිඩ, මෙන්ම ඉතිහාසය, මනෝ විද්‍යාව, කලාව, වැනි අංශ වල අධ්‍යාපනික වටිනාකම් එකතු කරලා තියෙනවා.
BTS සාමාජිකයින්ගේ සම වයස් කාණ්ඩයේ ARMY ‌රසිකයෙක් විදිහට 2015 ඉඳන් අද දක්වා මම ලබා ගත් දැනුම, අත්දැකීම් වගේම අන්තර්ජාතික භාෂා සම්බන්ධ පර්යේෂණ අංශයක මගේ වෘත්තීය දැනුම එකතු කරගෙන ශ්‍රී ලංකාවේ BTS රසිකයින්ට අධ්‍යාපනික වටිනාකමක් ඇති තොරතුරු බෙදා දීමයි Ceylon Bangtan චැනල් දෙකේ අරමුණ.
‘Ceylon Bangtan’ ප්‍රධාන චැනල් එක වෙන් කරලා තියෙන්නේ BTS හා සබැඳි අධ්‍යාපනික වටිනාකම සම්බන්ධ වීඩියෝ වෙනුවෙනුයි. BTS ගීත සහ සාමාජිකයින්ගේ චරිත වලින් ගත හැකි ආදර්ශ සහ ගීත වල අධ්‍යාපනික වටිනාකම්, BTS ගීත සහ ඇල්බම් නිර්මාණය කිරීමේදී යොදා ගන්නා මනෝවිද්‍යාත්මක සංකල්ප, වැදගත් BTS ප්‍රවෘත්ති, කලාව, කොරියානු සංස්කෘතිය වැනි විවිධ මාතෘකා අළලා නිර්මාණය කරන වීඩියෝ මේ චැනල් එකට ඇතුලත් කරනවා. ‘Ceylon Bangtan BTS Lyrics Hub’ චැනල් එක වෙන් වෙන්නේ BTS ගීත වල තේරුම් පැහැදිලි කිරීමටයි.

OLCB (One Love Ceylon Bangtan) නමින් හඳුන්වන්නේ Ceylon Bangtan චැනල් දෙක සහ වෙනත් සමාජ මාධ්‍ය හරහා එක් වුණු, වැරදි රසික හැසිරීම් වලට සහයෝගය නොදක්වන, BTS ගීත සහ සාමාජිකයින්ගේ චරිත වලින් ලබාගත හැකි ආදර්ශ සහ අධ්‍යාපනික වටිනාකම් යොදාගෙන තමන්ගේ ජීවිතය ජයගන්න උත්සාහ කරන, සාමාජිකයින් හත්දෙනාටම එක සේ ගරු කරන ශ්‍රී ලාංකික BTS ARMY මිතුරු කැලයි.

Ceylon Bangtan චැනල් 2 YouTube හරහා හෝ වෙනත් කිසිදු ආකාරයකින් ආදායම් උපයන්නේ හෝ ආධාර රැස් කරන්නේ නැහැ. ඒ වගේම Ceylon Bangtan හා සම්බන්ධ සියළුම සමාජ මාධ්‍ය හරහා වැරදි රසික හැසිරීම්, BTS කණ්ඩායමට අකමැති අයගේ අදහස් වලට ඉඩක් ලබා දෙන්නේ නැහැ.